ឯកឧត្តម សួន សុម៉ាលីន អភិបាលនៃគណៈអភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្តព្រៃវែង បានអញ្ជើញជាអធិបតីក្នុងកម្មវិធី ប្រគល់-ទទួល ថវិកាវិភាគទាន អបអរសាទរខួបទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ ក្រោមប្រធានបទ ”រួមគ្នាជាមួយកាកបាទក្រហមកម្ពុជាដើម្បីសហគមន៍មានសុខភាពល្អ និងមានភាពធន់នឹងអាកាសធាតុ” ដែលប្រព្រឹត្តទៅនៅសាលប្រជុំសាខាកាកបាទក្រហមកម្ពុជា ខេត្តព្រៃវែង

ខេត្តព្រៃវែង:រសៀលថ្ងៃទី២៤ ខែកក្កដា ឆ្នាំ២០២៤ ឯកឧត្តម សួន សុម៉ាលីន អភិបាលនៃគណៈអភិបាលខេត្តព្រៃវែង និងជាប្រធានគណៈកម្មាធិការសាខាកាកបាទក្រហមកម្ពុជាខេត្តព្រៃវែង បានអញ្ជើញជាអធិបតីក្នុងពិធីប្រគល់អំណោយ អបអរសាទរខួបលើកទី១៦១ ទិវាពិភពលោកកាកបាទក្រហម និងអឌ្ឍចន្ទក្រហម។  ទិវានេះប្រារព្ធឡើងនៅថ្ងៃទី៨ ខែឧសភា ឆ្នាំ២០២៤។ ពិធីនេះធ្វើឡើងនៅសាខាកាកបាទក្រហមកម្ពុជាខេត្តព្រៃវែង ក្រោមប្រធានបទ "រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងធន់នឹងអាកាសធាតុ"។

ពិធីនេះរួមមានការចែកចាយសម្ភារៈ និងធនធានសំខាន់ៗក្នុងគោលបំណងជួយដល់សហគមន៍មូលដ្ឋានក្នុងការកសាងភាពធន់នឹងការប្រែប្រួលអាកាសធាតុ និងការលើកកម្ពស់សុខភាពសាធារណៈ។  អ្នកចូលរួមមានមន្ត្រីមូលដ្ឋាន មេដឹកនាំសហគមន៍ អ្នកស្ម័គ្រចិត្ត និងអ្នកទទួលផលពីកម្មវិធីកាកបាទក្រហមកម្ពុជា។  ព្រឹត្តិការណ៍នេះបានសង្កត់ធ្ងន់លើសារៈសំខាន់នៃសុខភាពសហគមន៍ និងភាពធន់នឹងអាកាសធាតុ ដោយបង្ហាញពីកិច្ចខិតខំប្រឹងប្រែងជាបន្តបន្ទាប់របស់កាកបាទក្រហមកម្ពុជាក្នុងការដោះស្រាយបញ្ហាសំខាន់ៗទាំងនេះ តាមរយៈកិច្ចសហការ និងការគាំទ្រនៅថ្នាក់មូលដ្ឋាន។អត្ថបទកាលរិយាល័យនិពន្ធនាយក ឃិន ជុន