ឯកឧត្តម វ៉ី សំណាង អភិបាលខេត្តតាកែវ អញ្ជើញទទួលអង្ករ ចំនួន ១០តោន ពីតំណាងក្រុមហ៊ុន BT Sopheak Co,.LTD

តាកែវ៖នាព្រឹកថ្ងៃពុធ ទី២៣ ខែតុលា ឆ្នាំ២០២៤ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បានអញ្ជើញទទួលអង្ករ ចំនួន ១០តោន និងប្រគល់លិខិតថ្លែងអំណរគុណ ដល់តំណាងក្រុមហ៊ុន BT Sopheak Co,.LTD (ប៊ុនថនសុភ័ក្រ) ដែលបានឧបត្ថម្ភ អង្ករ ជូនរដ្ឋបាលខេត្តតាកែវ ក្នុងការចូលរួមរៀបចំពិធីប្រណាំងទូកនាថ្ងៃទី០១-០២ ខែវិច្ឆិកា ឆ្នាំ២០២៤ នៅខេត្តតាកែវ ។

ក្នុងនាមរដ្ឋបាលខេត្តតាកែវ និងក្នុងនាមខ្លួនខ្ញុំផ្ទាល់ សូមប្រសិទ្ធពរជ័យ សិរីសួស្តី ជ័យមង្គល វិបុលសុខ ចម្រុងចម្រើន ជានិច្ចនិរន្តរ៍ដល់លោក លោកស្រី សមប្រកបតែពុទ្ធពរ បួន ប្រការគឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយ៕