ពិធីបើកវគ្គបំប៉នជំនាញលំហាត់របៀប ការប្រើប្រាស់អាវុធ និងវគ្គបណ្ដុះបណ្ដាលមន្ត្រីនគរបាលយុត្តិធម៌ នៅស្នងការដ្ឋាននគរបាលខេត្តព្រៃវែង

ខេត្តព្រៃវែង ៖ នៅព្រឹកថ្ងៃព្រហស្បតិ៍ ៨កើត ខែអស្សុជ ឆ្នាំរោងឆស័ក ពុទ្ធសករាជ ២៥៦៨
ត្រូវនឹងថ្ងៃទី១០ ខែតុលា ឆ្នាំ២០២៤ នៅស្នងការដ្ឋាននគរបាលខេត្តព្រៃវែង បានប្រារព្ធពិធីបើកវគ្គបំប៉នជំនាញលំហាត់របៀប ការប្រើប្រាស់អាវុធ និងវគ្គបណ្ដុះបណ្ដាលមន្ត្រីនគរបាលយុត្តិធម៌ នៅស្នងការដ្ឋាននគរបាលខេត្តព្រៃវែង ក្រោមអធិបតីភាព ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ ទទួលដឹកនាំការងារសេនាធិការ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ។

គួរបញ្ជាក់ថា ពិធីបើកវគ្គបំប៉នជំនាញលំហាត់របៀប ការប្រើប្រាស់អាវុធ និងវគ្គបណ្ដុះបណ្ដាលមន្ត្រីនគរបាលយុត្តិធម៌ ខាងលើនេះ មានរយៈពេលចំនួន ០៣ ខែ គឺចាប់ពីថ្ងៃទី១០ខែតុលា ឆ្នាំ២០២៤ រហូតដល់ថ្ងៃទី ២៣ខែ មករា ឆ្នាំ ២០២៥ ពិធីនេះធ្វើឡើងនៅសាលប្រជុំធំ (ទួលបារាយណ៍អណ្ដែត) នៃស្នងការដ្ឋាននគរបាលខេត្តព្រៃវែង ៕